Чүйдүн жана Ысык-Көлдүн айрым жолдору эки күнгө жабылат

Чүй жана Ысык-Көл облусунун айрым жолдору 19-20-августта жабылат. Бул тууралуу Жол кыймылынын коопсуздугун камсыздоо башкы башкармалыгы билдирди.

Маалыматка ылайык, ал күндөрү Чолпон-Ата шаарында Евразия Экономикалык Биримдигине мүчө мамлекеттердин өкмөт башчыларынын катышуусунда Евразия өкмөттөр аралык кеңешинин кезектеги отуруму өтөт.

Буга байланыштуу коопсуздукту камсыздоо максатында Тамчы айылынан Бостери айылына чейин, ошондой эле Чолпон-Ата шаарынын жолдорунда транспорт жүрүүсүнө убактылуу чектөөлөр коюлат.

Тыгын жаратпоо үчүн жол эрежелерин жана жолдо жүрүү маданиятын так сактап, унааларды жолдун жээктерине кароосуз калтыруудан алыс болууга чакырат жол көзөмөлдөө кызматкерлери.