2019-жылы 423 чакырым жолго асфальт төшөлдү

2019-жылы 423 км жолго асфальт төшөлдү. Бардыгы болуп 800 км унаа жолу оңдолду, жалпысынан бардык булактарды кошкондо 10,9 млрд сом жумшалды. Бул тууралуу премьер-министр Мухаммедкалый Абылгазиев 13-майда Жогорку Кеңештин отурумунда билдирди.

Анын айтымында, аймактардагы ички аэропорттордо жалпы 212 млн сом каражатка реконструкциялоо иштери болду:

“Ош” эл аралык аэропортунун учуп-конуу тилкеси 400 метрге узартылды – 89,4 млн сом бөлүндү.
“Исфана” (19,1 млн с) жана “Кербен” (14 млн с) аэропортторунун аэровоказалдык комплекстери жана Тамчы (89,4 млн с) аэропорттору модернизацияланды.

Мындан сырткары Кыргызстандын авиация тармагын “кара тизмеден” чыгаруу иштери жүрдү.