Биз менен байланышыңыз

Президент Улуттук статкомдун ишин электрондук форматка өткөрүүнү талап кылды

Кыска кабар | 26 Мар 2021 | 829 | 0

Президент Садыр Жапаров Улуттук статистикалык комитеттин ишин электрондук форматка өткөрүүнү тездетүүнү талап кылды. Бул тууралуу Президенттик аппараттын маалымат кызматы билдирди.

Президент Садыр Жапаров бүгүн, 26-мартта Улуттук статистикалык комитеттин төрагасы Самат Насирдиновду кабыл алып, эсеп-кысап иштерин жана маалыматтарды берүүнүн жол-жоболорун жөнөкөйлөтүү үчүн статистикалык отчетту электрондук форматка өткөрүү ишин тездетүү керектигин белгиледи.

Самат Насирдиновдун айтымында, 2020-жылдагы программага ылайык, Улуттук статистикалык комитет тарабынан 25 миңден ашуун иш аткарылган. 2020-жылы Улуттук статистикалык комитет тарабынан 77 экономикалык баяндама, республиканын жана аймактардын социалдык-экономикалык абалын мүнөздөгөн 1171 көчмө маалымат, ошондой эле экономикалык жана социалдык чөйрөлөрдүн өнүгүүсүн ар тараптуу мүнөздөгөн 700дөн ашык статистикалык бюллетень даярдалган.

Copyright © 2017 Maral FM