Биз менен байланышыңыз

Президенттин тышкы саясатын жетектеген Дастан Дүйшөкеевдин өмүр баяны

Кыска кабар | 1 Дек 2020 | 1012 | 0

Дастан Дүйшөкеев Президенттин аппаратынын тышкы саясат бөлүмүнүн башчысы болуп дайындалды. Ал бул кызматка 17-ноябрда дайындалган. Бирок бул тууралуу расмий маалымат берилбей келди.

Дастан Дүйшөкеев 14-октябрда премьер-министрдин милдетин аткарган Садыр Жапаровдун маалымат катчысы болгон.

Өлкөнүн тышкы саясат боюнча маселелери буга чейин Данияр Сыдыковдун жетекчилигинде болчу. Ал 2018-жылы 5-мартта ошол кездеги президент Сооронбай Жээнбековдун Жарлыгы менен Президенттин аппаратынын тышкы саясат бөлүмүнүн башчысы болуп дайындалган.

Өмүр баяны:

Дастан Дүйшөкеев 1987-жылы 12-декабрда туулган.

Жогорку билимдүү, 2010-жылы Жусуп Баласагын атындагы улуттук университеттин тарых жана аймак таануу факультетин аяктаган.

2015-жылы Орусиянын Тышкы иштер министрлигинин Дипломатиялык Академиясынын эл аралык мамилелер факультетин бүтүргөн.

Эмгек жолу:

2008-2010-жылы «Megacom» компаниясынын Call-борборунда иштеген.

2010-2011-жылдары аталган компаниянын тейлөө борборлорун жана аймактагы байланышты өнүктүрүү боюнча ага кызматкер болуп турган.

2011-2015-жылдары Орусиянын Тышкы иштер министрлигинин Дипломатиялык Академиясында окуган.

2015-2016-жылдары Жаратылышты коргоонун жана токой тармагын өнүктүрүү фондунун жумушчу тобунда кызматкер болгон.

2016-2017-жылдары А.П. Чехов атындагы жалпы билим берүү мекемесинде Кыргызстан, Орусия жана дүйнө тарыхы мугалими болуп иштеген.

2017-2018-жылы Жогорку Кеңештин депутатынын жардамчысы болгон. Ошол учурда бир катар эл аралык уюмдар менен болгон кызматташууга катышкан.

2018-2020-жылдары «2ГИС» жана «Полипласт-Восток» бизнес долбоорлорун ишке ашырууга катышкан.

2020- жылдын 14-октябрында премьер-министрдин маалымат катчысы болуп дайындалган. 17-ноябрда Президенттик Аппараттын тышкы саясат бөлүмүнүн башчысы болду.

Расмий эмес маалыматтар боюнча, Дастан Дүйшөкеев Бишкектеги «Тай-Казан» ресторанында башкаруучу болуп иштеген. Ошондой эле Дубайда да тейлөө тармагында иштеп келгени айтылат.

«Тай-Казан» рестораны «Кыргызстан» фракциясынын депутаты Алмазбек Эргешовго таандык экени маалым. Дүйшөкеев быйыл парламенттик шайлоодо «Кыргызстан» партиясынын Ысык-Көл аймагы боюнча координатору болуп иштеген.

Copyright © 2017 Maral FM