Ал ар бир учур боюнча эпидемиологиялык иликтөө башталып, байланышта болгон адамдар аныкталып, оорунун жайылуусуна жол бербөө максатында иш-чаралар жүргүзүлүп жатканын кошумчалады.
Казакстанда коронавирус пандемиясынан улам мектеп окуучулары өткөн окуу жылдын акыркы чейрегинде жана быйылкы окуу жылынын биринчи чейрегинде аралыктан билим алышкан. 16-ноябрда башталган экинчи чейректе окуучулары аз мектептер менен нөөмөт класстар салттуу билим берүү форматына өтүшкөн.
Казакстанда 1-августтан бери коронавирус менен жалпы 40488 адам катталды. Анын ичинен 29719 адам айыккан. Оорунун кесепетинен 421 бейтап көз жумду.
Кошумчалай кетсек, Кыргызстанда быйыл сентябрь айында коронавирус жуктурган 48 окуучу катталган. Ал эми октябрь айында окуучулар арасында катталган учурлар 6,5 эсеге жогору болуп, 315ти түздү.
