Экс-мэр Албек Ибраимов да абактан бошотулду

Бишкектин экс-мэри Албек Ибраимов абактан бошотулду. Ал Петровкадагы түзөтүү колониясында болчу.

Учурда Ибраимовдун борборду көздөй баратканы айтылууда.

Эске салсак, Бишкек шаарынын мурдагы мэри Албек Ибраимов Кылмыш-жаза кодексинин «Коррупция» беренеси боюнча айыпталып, кармалган болчу.

Буга чейин экс-премьер-министр Жантөрө Сатыбалдиев, саясатчы Садыр Жапаров, Равшан Жээнбеков, мурунку президент Алмазбек Атамбаев, саясатчы Сапар Исаков да абактан бошотулгандыгы айтылган.