Орусияда дагы 5 миңдей бейтап коронавирус менен катталды

Акыркы сутканын ичинде Орусиянын аймагында коронавирус менен жаңы 4829 бейтап катталды. Алар федерациянын 84 аймагынан аныкталган. Алардын ичинен 1 103 адам — ооруну белгилери жок алып жүрүүчүлөр.

Муну менен Орусияда жалпы 980 405 адамдан коронавирус аныкталды. Оорунун кесепетинен акыркы суткада 110 адам көз жумуп, каза болгондордун жалпы саны 16 914 адамга жетти.