Акматова: Илдетке кабылгандар көбүрөөк тамак жеши керек

Коронавирус илдетине кабылгандарда тамака болгон табит жоголот. Бул тууралуу коомдук саламаттыкты сактоо башкармалыгынын жетекчиси Айнура Акматова бүгункү маалымат жыйынында билдирди.

Анын айтымында, ага карабастан суюктукту ичүүгө, тамак аш, жер-жемиш, жашылчадан салаттарды көбүрөк жегенге аракет кылуу керек.

— «Жүрөк оорусу барлар бир күндө 2 литрден кем эмес суу ичүүлөрү керек. Ал эми башка оорусу жоктор 3 литрге чейин суу ичип туруусу керек» , — деди Акматова.

Ошондой эле ал дене табы 37,5-38 градуска чейин көтөрүлсө, сөзсүз 118 колл-борборуна чалып кеңеш алып, үй-бүлөлүк медицина борборлоруна кайрылуу керектигин эскертти.

Мындан сырткары, дарыгерлердин жазып берген гана рецепттери менен дарыланууга чакырып, өз алдынча антибиотик каражаттарын, «Дексаметазон» даарысын колдонбоого жана дүрбөлөңгө алдырбоого чакырды.