Өзбекстанда жумушсуздардын саны эки миллионго жетти

Коронавирустук пандемия учурунда Өзбекстанда жумушсуздардын саны 600 миң адамга көбөйүп, жалпы 2 миллионго жетти. Бул тууралуу Жумушка орноштуруу жана эмгек мамилелери министри Нозим Хусанов жергиликтүү маалымат каражаттарына берген маегинде билдиргендигин жергиликтүү басылмалар жазды.

— “Ушул жылдын башында жумушсуздардын саны болжол менен 1,4 миллион адамды түздү. Ошондон бери пандемиядан улам айрым ишканалар жабылып, жумушсуздардын саны 2 миллионго жакындап калды. Мындан тышкары, чет өлдөдөгү жумуштарына бара албай жаткан 500 миңге жакын жарандарыбыз бар», — деди министр Хусанов.

Пандемияга чейин Өзбекстанда жумушсуздук деңгээли 9,3% ды түзгөн. Акыркы болжолдуу маалыматтар жана алдын-ала эсептөөлөр боюнча бул көрсөткүч 14-15 пайызга чейин өстү.

Буга чейин Bloomberg Эл аралык валюта фонду Өзбекстандагы жумушсуздуктун деңгээли быйыл 16,5%га жетиши мүмкүн экендигин билдирген.

Маалыматка ылайык, быйыл Өзбекстанда жумушсуздуктун деңгээли 8,9% га жетет. Агенттиктин айтымында, Өзбекстан өкмөтү расмий түрдө жумушсуздуктун деңгээлин төмөн деңгээлде көрсөтүп жатат.