Париждиктер «карантинден кутулдук» деп майрам уюштуруп киришкен

Франциянын Ички иштер министри Кристоф Кастанер полициянын жооптуу префектураларына Париж шаарын аралап өткөн Сена дарыясынын жана Сен-Мартен каналынын жээгинде алкоголдук ичимдик ичкендерди көзөмөлдөөгө чакырды. Министрдин мындай тыюусу карантиндик чаралардын жумшарышына байланыштуу париждиктердин “жоопкерчиликсиз” мамилесинен улам келип чыккан. Социалдык дистанцияны сактабаган париждиктер “карантинден кутулдук” деп дарыянын боюнда пиво жана вино менен коштолгон майрам уюштуруп жиберишкен.