Ошто 7 тармактын иштөөсүнө уруксат берилди (тизме)

Бүгүнкү күндөн тартып Ош шаарында 7 чөйрөдөгү кызматтын ишин жандандырууга уруксат берилди. Бул тууралуу Ош шаарынын мэри Таалайбек Сарыбашов бүгүнкү брифингде билдирди.

Анын айтымында, Ош шаарында өзгөчө абал режими алынган жок. Бирок этап-этабы менен айрым ишканалар иштей баштады. Алар:

Өнөр жай ишканалары;
Курулуш тармагы;
Транспорт каражаттарын оңдоо жана тейлөө кызмат көрсөтүүлөрү;
Жеке нотариустар;
Соода-сатык тармактары;
Чач-тарач, сулуулук салондору;
Уюшулган такси кызматтары.

Сарыбашов маалымдагандай, ал эми жеке таксисттер шаардык мэрияга кат менен кайрылса, аларга да уруксат берилет.

Эске салсак, белгиленген бардык чөйрө санитардык-эпидемиологиялык талаптарды жана гигиенаны сактап иш алып барышат.

"Марал радиосу" Телеграмда

"Марал радиосу" Инстаграмда

Advertisement

Айпери Жумабай кызы

Пикир калтырыңыз