Сингапур окумуштуулары Орто Азияда эпидемиянын качан бүтөөрүн божомолдошту

Сингапур технологиялык жана дизайн университетинин окумуштуулары дүйнөнүн бардык өлкөлөрүндө, анын ичинде Борбор Азия өлкөлөрүндө коронавирус эпидемиясынын качан бүтөөрүн болжолдоп айтышты. Бул тууралуу Fergana.ru. сайты жазды.

Тез өзгөрүп турган кырдаалды эске алып, күн сайын акыркы маалыматтар боюнча божомолдоолор жаңыртылып турат. Акыркы өзгөртүүлөр 27-апрелде жасалган.

Окумуштуулардын айтымы боюнча:

• Казакстанда инфекция 5-июнда 97 %, 17-июнда 99%, ал эми 20-августта эпидемия толук бойдон аяктайт;
• Өзбекстанда 3-майда 97%, 8-майда 99%,  ал эми 24-майда инфекциянын таралышы толук  аяктайт;
• Кыргызстанда эпидемия 6-июнда аяктаса, Орусияда 19-августта бүтөт.

Эсептөөлөр үчүн SIR модели колдонулган, ал ири шаарларда грипп жана башка оорулардын эпидемиясын так илгерилетүүгө, жаңы параметрлерди киргизүүгө жана ар кандай сценарийлерди талдоого мүмкүндүк берет. Теория жана эсептөө методологиясы Цзянси Луонун «COVID-19 качан аяктайт» деген макаласында баяндалган.

Макаладагы эскертүүдө, эсептөөлөр билим берүү жана изилдөө максатында гана колдонулганын жана каталар болушу мүмкүн экендиги айтылат.

“Окурмандар кандайдыр бир божомолдорду этияттык менен кабыл алышы керек. Айрым болжолдуу даталарга негизделген ашыкча оптимизм кооптуу, анткени ал биздин тартипти жана көзөмөлдү алсыратып, вирус менен инфекциянын жайылышына алып келиши мүмкүн, жана буга жол бербөө керек» , — деп айтылат билдирүүдө.