Роналду отелдерин оорукана кылууга берди

«Ювентус» футболдук клубунун чабуулчусу, португалиялык Криштиану Роналду коронавирус менен күрөшүү максатында мейманканаларын оорукана катары пайдаланууга берди. Бул тууралуу Marca гезити жазды.

Маалыматка караганда, SARS-CoV-2 менен ооруган бейтаптар бул ооруканалардан акысыз дарылана алышат. Роналду ал жерде иштеген дарыгерлер менен кызматкерлердин маянасын да өзү төлөй турганын айткан.

Футболчунун мейманканалары Португалиянын Мадейра жана Лиссабон шаарларында жайгашкан.

12-мартта клубда чогуу ойногон Даниэле Руганиден коронавирус аныкталган соң Роналду Португалияда карантинге алынган.

Португалияда 245 адам вируска кабылган. Дүйнө боюнча COVID-19 вирусун 163 миң 600дөн ашык киши жуктурду.