Индонезияда жол кырсыгынан 24 адам каза болду

Индонезиянын Түштүк Суматра аймагында автобус кулап, 24 адам каза болду. Андан сырткары, 16 жүргүнчү жарадар болгон. Бул тууралуу Синьхуа агенттиги жазды.

Окуя 24-декабрга караган түнү Пагар-Алам аймагында болгон. 40 жүргүнчүнү ташып бараткан автобус жолдон чыгып, капчыгайга кулап кеткен.

Кырсык болгон жерде издөө-куткаруу иштери жүргүзүлдү. Жабырлануучулар жакынкы ооруканага жеткирилген.

Өлкөнүн Өзгөчө кырдаалдар менен күрөшү агенттигинин айтымында, каза болгондордун саны өсүшү мүмкүн.