Кийинки Консультативдик жолугушуу Кыргызстанда өтөт

Борбордук Азия мамлекет башчыларынын кийинки, үчүнчү Консультативдик жолугушуусу 2020-жылы Кыргызстанда өтөт. Бул тууралуу президент Сооронбай Жээнбеков кечээ, 29-ноябрда, Ташкент шаарында өткөн экинчи Консультативдик жолугушууда билдирди. Бул тууралуу президенттин маалымат кызматы кабарлады.

Жээнбеков мамлекет башчылары ишенимдүү маанайда аймактык кызматташтык маселелеринин кеңири спектри боюнча конструктивдүү диалог жүргүзгөнүн белгилеген.

— Мындай аракеттерди улантууну абдан маанилүү деп эсептейм. Буга байланыштуу кийинки Консультативдик жолугушууну Кыргызстанда 2020-жылы өткөрүүгө даярдык билдирем, — деп президент Сооронбай Жээнбеков сөзүн жыйынтыктады.