Румынияда 14 миң кой жүктөлгөн кеме чөгүп кетти [видео]

Румынияда Кара деңизде Queen Hind аттуу кеме чөгүп кетти.

Маалыматка ылайык, кемеде 14 миң 600 кой болгон. Белгисиз себептер менен кеме бир капталына ооп калган.

Экипаждын 22 мүчөсү тең сербиялык жарандар болгон. Экипаж мүчөлөрү толугу менен куткарылган, алардын бирөөсүнө гана суук тийип, ооруканага жаткырылган.

Marine Traffic сайтынын маалыматына ылайык, кеме 1980-жылы курулган. Узундугу – 85 метр келип, 3785 тонна салмакты көтөрүүгө ыңгайлашкан.