Улуттук бак-дарак күнүнө карата Түркияда «Келечекке дем» өнөктүгү боюнча 11-ноябрь (11.11) күнү 11 миллион көчөт отургузулат. Алгачкы көчөттү президент Режеп Тайип Эрдоган отургузуп баштап берди.
Маалыматка ылайык, «11 миллион дарак: бүгүн көчөт, эртең дем» программасынын алкагында 81 аймактын 2023 жеринде бирдей убакытта көчөт отургузуу башталат.
Буга чейин Эрдоган Твиттердеги баракчасында «Бак-дарак жана токой сүйүүсүн жайылтып, балдарыбызга жашыл Түркияны мураска калтыруу үчүн жалпы мекендештерден колдоо күтөбүз»,- деп жазып, элин өлкөнү жашылдандырууга чакырган.