Курулуш чөйрөсүндөгү айрым мыйзам актыларына өзгөртүүлөр киргизилди

Президент Сооронбай Жээнбеков «Курулуш чөйрөсүндөгү айрым мыйзам актыларына өзгөртүүлөрдү киргизүү жөнүндө» мыйзамга кол койду. Бул тууралуу Президенттик Аппараттын маалымат кызматы билдирди.

Мыйзам ушул жылдын 18-апрелинде Жогорку Кеңеш тарабынан кабыл алынган. Негизги максаты өнөр жай объекттерин куруу чөйрөсүндөгү көйгөйлүү маселелерди чечүү болуп саналат.

Мыйзам расмий жарыялангандан он беш күн өткөндөн кийин күчүнө кирет.