Коргоо комитети кончу узун өтүк тиктирет

Өкмөттүн Ата Мекендик өндүрүштү колдоо программасынын негизинде Кыргызстандын коргоо комитети атайын жана аскердик бут кийим өндүрүүчү «Империал групп» ачык акционердик коому менен кончу узун аскердик өтүктөрдү тигүү боюнча келишим түздү. Бул тууралуу Куралдуу Күчтөрдүн башкы штабынын маалымат кызматы билдирди.

Келишимдин жалпы суммасы 7,5 млн. сомду түзөт.

Бул долбоорду ишке ашыруу 11-январдагы «Мамлекеттик сатып алуулар жөнүндө» мыйзамга өзгөртүүлөр күчүнө киргенден кийин мүмкүн болгон.