Турсунбеков: Парламентте Асылбек Жээнбековдун таасири бар

Жогорку Кеңештин депутты Чыныбай Турсунбеков “Марал” радиосуна берген маегинде эл өкүлү Асылбек Жээнбековдун парламентте таасири бар экенин билдирди.

Анын айтымында, Асылбек Жээнбековдун КСДПга салымы чоң.

«Асылбек Жээнбековдун КСДПга эмгеги зор. Ошончо иштерди жасаган адамдын таасири кантип болбой калат? Жээнбековдун кимдир бирөөлөргө сөзү өтөт деп ойлойм», — дейт депутат.

Ал эми эл өкүлү Исхак Масалиев Асылбек Жээнбеков президенттин иниси болгондуктан ага көп көңүл буруларын айтат.

Масалиев Асылбек Жээнбековдун артынан чуркаган кишилер көп экенин кошумчалады.