Парламент аңчылыкка тыюу салган мыйзамды карайт

Бүгүн 11-февралда Жогорку Кеңештин Бюджет жана финансы боюнча комитети аңчылыкка тыюу салган мыйзамды карайт. Бул тууралуу парламент сайтында кабарланат.

Эскерте кетсек,өткөн жылдын 26-октябрда жаныбарлардын айрым түрлөрүнө аңчылык кылууга тыюу салган мыйзам долбоору боюнча парламенттик угуу өткөн.

Мыйзам долбоору Кыргызстандын жашыл экономикага өтүү аракетинин алкагында иштелип чыккан. Анда аңчылыкка чек коюп, жапайы жаныбарларды атууга 10 жылдык мораторий киргизүү сунушталууда.