Биз менен байланышыңыз

Караколдо миңден ашык жаран сүйүнчү пул алышты

Кыска кабар | 10 Фев 2019 | 131 | 0

Каракол шаарында миңден ашык жаран балага сүйүнчү пул алышты. Бул тууралуу шаардык социалдык өнүгүү башкармалыгынын башчысы Динара Түлеева сжергиликтүү маалымат булактарына билдирген.

Анын айтымында, мындай жөлөк пул 2018-жылы 1 миң 175 жаранга жаңы төрөлгөн ымыркай үчүн берилген.

«Сүйүнчү берүү боюнча атайын бөлүм иш алып барат. Тийиштүү документтери менен келген ата-энелер сүйүнчү акчаларын алып кетишүүдө. Учурда документтерин тапшырган жарандар арбын болууда. Балага сүйүнчү алыш үчүн наристе төрөлгөндөн кийинки 6 ай аралыгында арыз берилиши керек. Андан кеч калгандарга акча берилбейт. Буга чейин атайын бурч уюштурганбыз, анда кандай документтерди даярдоо керектиги боюнча көрсөтмөлөр жазылган», — деди Д.Түлеева.
Эске салсак, жаңы төрөлгөн бала үчүн сүйүнчү пул өткөн 2018-жылдын январь айынан тарта бериле баштады. Анын көлөмү 4000 сомду түзөт.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM