Карамушкина: Коррупцияга аралашкан саясатчылар менен күрөштү Атамбаев баштаган

Жогорку кызматтагы коррупцияга аралашкан кызматкерлерге каршы күрөштү Алмазбек Атамбаев баштаган. Мындай пикирин Жогорку Кеңештин депутаты Ирина Карамушкина “Маралга” берген маегинде айтты. Ал далил катары депутаттарга козголгон иштерди келтирди.

-Мага: “Атамбаевди дайым коргойсуз. Бирок анын айланасындагылар азыр УКМКнын убактылуу кармоочу жайында отурат”, — деп көп айтышат. Буга Алмазбек Атамбаевдин президент болуп тургандагы сөзү менен жооп берейин. “Эгерде далил болсо, өз уулума да боорум оорубайт”, — деп айтканы бар, — дейт эл өкүлү.

Карамушкина “КСДП Атамбаевсиз” кыймылы Ак үйдүн долбоору экенин да айтты.

Кошумчалай кетсек, КСДП партиясынын мүчөлөрү, мурдагы премьер-министр Сапар Исаков, экс-мэрлер Албек Ибраимов жана Кубанычбек Кулматовдорго кылмыш иши козголуп, учурда УКМКнын убактылуу кармоочу жайында кармалууда.