Кыргызстан менен Казакстандын Салык кызматынын жетекчилери жолугушту

Мамлекеттик салык кызматынын төрагасы Теңизбек Абжапаров Казакстандын Финансы министрлигинин Мамлекеттик кирешелер комитетинин төрагасы Марат Султангазиев менен жолугушту.

Анда салыктарды төлөөдөн качып, кыргыз-казак чек-арасы аркылуу товарларды мыйзамсыз ташып өтүүгө байланыштуу жалпы көйгөйлөрүн талкуулашты. Ошондой эле бул маселелер боюнча ыкчам маалымат алмашуунун зарылдыгын белгилешти.

Жол картанын 10 жана 11-пункттарын аткаруу максатында, экспорттолуучу жана импорттолуучу товарлар боюнча маалымат алмашууга багытталган Кыргызстандын Салык кызматы жана Казакстандын Кирешелер боюнча комитетинин эки тараптуу экономикалык кызматташуу жана салыктык башкаруу маселелери боюнча иш-чаралар планынын долбоорун карап чыгышты.

Жолугушуунун аягында эки өлкөнүн Салык кызматтарынын жетекчилери тийиштүү протоколго кол коюп, эки өлкөнүн фискалдык органдары ортосундагы кызматташуунун мындан ары чыңдоону көздөшөөрүн билдиришти.