Ошко Санк-Петербургдан 184 кыргызстандык учуп келди

Ошко Санкт-Петербургдан чартердик каттам менен 184 кыргызстандык кайтып келди. Бул тууралуу Тышкы иштер министрлигинин маалымат кызматы билдирди.

Бул каттамдагы жүргүнчүлөрдүн тизмеси Санкт-Петербург шаарындагы кыргызстандыктардын өз ара ыкчам штабында түзүлгөн комиссия тарабынан түзүлгөн.

Жүргүнчүлөрдүн тизмесин түзүү жарандарынын жеке арыздарынын негизинде жүргүзүлдү. Каттамга, төрөтү жакындап калган кош бойлуу энелер жана жаш балдары бар аялдар, ошондой эле Мекенине чукул түрдө кайтышы керек болгон жарандар киргизилген.

Учурда чет мамлекеттерде жүргөн жарандарды Кыргызстанга кайтаруу боюнча иштер улантылууда.