Президент Сооронбай Жээнбеков ЖЕЭКтин жыйынына катышуу үчүн Орусияга барды

Президент Сооронбай Жээнбеков бүгүн, 19-декабрда, Жогорку Евразиялык Экономикалык Кеңештин (ЖЕЭК) кезектеги жыйынына катышуу үчүн Орусиянын Санкт-Петербург шаарына барды.

Бул тууралуу президенттин маалымат кызматы кабарлады.

Мамлекет башчысы ЖЕЭКтин чакан жана кеңири курамдагы жыйындарына катышат.

Мындан тышкары, Президент Сооронбай Жээнбеков КМШ мамлекет башчыларынын бейформал жолугушуусуна катышат.