Бишкектеги өрт толугу менен өчүрүлдү

Өрт толугу менен өчүрүлдү. Бул тууралуу Өзгөчө кырдаалдар министрлигинин маалымат кызматы билдирди.

Бишкек шаарындагы Чүй проспектиси жана Эркиндик бульварында жайгашкан тез тамактануучу жайдан болжол менен саат 13:30дарда чыккан өрт саат 15:21де толук өчүрүлгөн.

Алдын ала маалымат боюнча өрттүн кесепетинен 9 адам жаракат алып, 2 адам жандандыруу бөлүмүндө, 3 адам ооруканага жаткырылып, 4 адам амбулатордук кароодо.

Жеринде каза болгон тез татым сатуучу жайдын кызматкеринин аты- жөнү учурда такталууда.

Өрттүн аянты болжол менен 100 чарчы метрди түздү, өрттүн келип чыгуу себеби такталууда.

Кошумча маалымат берилет.