Шашылыш кабар:

Кыргызстанда интернеттин баасы 3,5 эсе арзандап, ылдамдыгы эки эсе жогорулады

Апрель 25th, 2018 | by Чолпон Бейшелең кызы
Кыргызстанда интернеттин баасы 3,5 эсе арзандап, ылдамдыгы эки эсе жогорулады
Күн чекит
0

Кыргызстанда интернеттин баасы  3,5 эсеге арзандады. Интернетти сатып алуу боюнча өткөн тендерге жалпысынан 14 компания катышкан. Компаниялар тараптан кандай сунуштар берилди жана эми  кайсы компания өлкөгө интернет жеткирет? Бул тууралуу «Күн чекит» программасында «Кыргызтелеком»  ишканасынын төрагасы Марат Каратаев  айтып берди.

Кыргызстанда интернеттин баасы 3,5 эсеге арзандаганы айтылып жатат. Тендерде канча компания  утуп чыкты жана алар кандай негизде тандалып алынды?

 —Бүгүнкү күнү Кыргызтелеком чоң ийгиликке жеттик. Себеби биз интернеттин баасын 3,5 эсеге түшүрдүк. Буга чейин  2016-жылы өлкөгө келип жаткан интернет боюнча чоң маселе көтөрүлгөн. Бул иш парламентке чейин жеткен. Андан соң биз биринчи кезекте элге интернетти арзандатуу  максатын койгонбуз. Ошондуктан жаңы жылдан баштап, чоң иш алып бардык. Анын ичинде тендерди ачык жарыялап, ири компанияларга билдирүүлөрдү жөнөтүп баарын чакырганбыз. Ошонун негизинде 14 компания тендерге катышуу кызыкчылыгын билдирди. Арасында Орусия, Казакстан, Германия жана биринчи жолу Кытайдын компаниялары, атамекендик компаниялар да бар. Ал жерде биз интернеттин баасын 3,5 эсеге түшүрүү талабын койгонбуз.

Жыйынтыгында  биз көз карандылыктан чыктык. Азыр Кытай, Орусия жана Казакстандын 5 компаниясы менен интернет алуу боюнча келишимге кол койдук. Эми бул үч компаниянын биринин шарты жакпай калса, аны менен келишимди токтотуп,  башка компаниялардан алууга мүмкүнчүлүк бар. Экинчиден коррупциянын жолун буудук. Себеби баа жарыяланып калгандан кийин бир дагы компания наркты жогорулата албайт. Ошондой эле  биз кошуна мамлекеттердин интернет алуусуна шарт түзүп бердик. Мындан аркы план Тажикстан менен  Ооганстанга интернетти сатууга аракет кылабыз.

-Бериле турчу интернеттин сапатына келсек, эми интернеттин ылдамдыгы кандай болот?

Түзүлгөн келишимдердин жыйынтыгында интернеттин сапатын көтөрүү менен ылдамдыгын дагы эки эсеге жогорулаттык. Анын алкагында чексиз тарифтерди түздүк. Ал Кыргызтелекомдун кардарларына берилет. Буга кошумча жалпы  мамлекеттик органдарга арзан интернетти дагы сунуштайбыз.

-Бир гана шаарлар же райондун борборлору  эмес, интернетти аймактарга жеткирүү иштери кандай жүрүп жатат?

Быйыл 2018-жыл президентибиз тараптан аймактарды өнүктүрүү жылы деп жарыяланды.  Анын алкагында биз ар бир айылга, ар бир үйгө интернетти жеткирүү боюнча аракеттерди көрүп жатабыз. Себеби интернеттин бүгүнкү күндө билим алууга, экономикага жана социалдык жактарга таасири чоң болуп турат. Андан сырткары Кыргызстандын коопсуздугуна дагы таасири аябагандай чоң… Ошонун негизинде биз аймактарга чыкканга аракет кылып жатабыз. Айылдарда интернет арзан  жана сапаттуу болушу керек.

-Маегиңизге рахмат!

 

 

Comments are closed.

Марал Радиосу cможет принять любую посещаемость благодаря кешированию WP Super Cache