Connect with us

Песков Путин менен Трамптын сүйлөшүүсү болбогонун айтты

Дүйнө , Кыска кабар | 11 Ноя 2024 | 354 | 0

Владимир Путиндин басма сөз катчысы Дмитрий Песков АКШнын жаңы шайланган президенти Дональд Трамп менен Орусия президентинин ортосунда сүйлөшүү болбогонун айтты.

Ал 11-ноябрда журналисттердин суроолоруна жооп берип, «Трамп менен Путиндин ортосунда сүйлөшүү болгон эмес. Бул ойдон чыгарылган маалымат жана чындыкка дал келбейт», — деп айтты.

Ал эми алдыда Трамп менен Путиндин ортосунда сүйлөшүү пландалып жатабы? — деген суроого, азырынча так эч нерсе айта албай турганын билдирген.

Washington Post басылмасы АКШнын жаңы шайланган президенти Дональд Трамп 10-ноябрда Орусиянын президенти Владимир Путин менен телефон аркылуу сүйлөшүп, ага Украинадагы согушту күчөтпөөнү сунуштады, — деп жеке булактарына таянып жазган.

Орусиянын президенти Владимир Путин 7-ноябрда “Валдай” дискуссиялык клубунун жыйынында сөз сүйлөп, Трампты шайлоодогу жеңиши менен куттуктап, диалогго даяр экенин билдирген.

 

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM