Райымбек Матраимов сотко алынып келинди

Бүгүн, 27-мартта Бишкектин Биринчи Май райондук сотуна Бакуда кармалып, Бишкекке жеткирилген Райымбек Матраимов алынып келинди. Бүгүн анын баш коргоо чарасы аныкталары күтүлүүдө.

Матраимовдун жактоочулары комментарий берүүдөн баш тартышты. Матраимов өзү да журналисттердин суроолоруна жооп берген жок.

Райымбек Матраимовго УКМК тарабынан 2024-жылдын 26-январында издөө жарыяланган. Ага Кылмыш-жаза кодексинин 169-беренеси (“Эркиндигинен мыйзамсыз ажыратуу”) жана 222-беренеси (“Кылмыштуу жол менен алынган кирешелерди мыйзамдаштыруу/адалдоо”) менен кылмыш иши козголгон.

Атайын кызмат 2021-жылы ага «коррупция» беренеси менен иш козгогон. Бул иш боюнча сот аны күнөөлүү деп таап, 260 миң сом айып төлөөгө милдеттендирген. Матраимов да күнөөсүн мойнуна алып, мамлекеттин казынасына 2 млрд сом төгүп берген.

УКМК төрагасы Камчыбек Ташиев буга чейин «Матраимов мафиясы» болбой турганын эскерткен.