Кыргыз-өзбек чек арасын демаркациялоо боюнча документтер бекитилди

Өзбекстандын Самарканд шаарында Кыргызстан менен Өзбекстандын чек арасын демаркациялоо боюнча өкмөттүк делегацияларынын ортосунда сүйлөшүүлөр болду.

Анын жүрүшүндө жумушчу топтордун жыйындары жана биргелешкен демаркация комиссиясынын биринчи отуруму өттү.

Жолугушууда кыргыз-өзбек мамлекеттик чек арасынын айрым тилкелеринде биргелешкен талаа изилдөөлөрүнүн жыйынтыгы талкууланды. Жыйынтыгында тараптар мамлекеттик чек араны демаркациялоо боюнча ченемдик-укуктук жана техникалык документтерди бекитишти.

«Сүйлөшүүлөр достуктун жана өз ара түшүнүшүүнүн маанайында өттү. Иш-чаранын жыйынтыгында тиешелүү протоколдорго кол коюлду», — деп айтылат Министрлер кабинетинин маалыматында.