Журналист Санрабия Сатыбалдиева 48 саатка камалды

Бүгүн, 4-ноябрга караган түндө журналист Санрабия Сатыбалдиева менен оператору Калыс Аширбеков кармалды. Бул тууралуу укук коргоочу Азиза Абдрасулова Фейсбук баракчасына жазды.

Маалыматка караганда, анын үйүндө тинтүү жүргүзүлүп, андан соң журналист убактылуу кармоочу жайга 48 саатка киргизилген.

Анын колунда 2 жашар кызы бар жана учурда кош бойлуу. Укук коргоочу Азиза Абдрасулованын айтымында журналисттин ден соолугуна коркунуч бар.

Санрабия Сатыбалдиева «Мир24» сайтында иштейт. Ал көп учурда Жалал-Абад облусунун бийлигин көп сындап келет.