Connect with us

Төрөбаев Азербайжандын президентин Кыргызстанга чакырды

Кыска кабар | 15 Авг 2022 | 234 | 0

Министрлер кабинетинин төрагасынын орун басары Бакыт Төрөбаевди Баку шаарында Азербайжандын президенти Ильхам Алиев кабыл алды.

Жолугушуу Кыргызстан менен Азербайжандын ортосундагы Экономикалык жана гуманитардык кызматташтык боюнча өкмөттөр аралык комиссиянын 4-жыйынынын алкагында өттү.

Тараптар президент Садыр Жапаровдун ушул жылдын 19-20-апрелинде Азербайжанга болгон расмий сапарынын жыйынтыгында жетишилген макулдашууларды ишке ашыруунун жүрүшүн талкуулады.

Ошондой эле эки тараптуу кызматташтыктын ар кыл багыттары, анын ичинде соода-экономикалык, транспорт-логистикалык, инвестициялык, соода-техникалык жана гуманитардык кызматташтыктын келечеги боюнча пикир алышышты.

Төрөбаев Ильхам Алиевге президент Садыр Жапаровдун саламын жеткирип, Кыргызстанга мамлекеттик сапар менен келип кетүүгө чакырды.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM