«Сулайман-Тоо» комплексинин жетекчилигине сынак жарыяланды

Маданият министрлиги «Сулайман-Тоо» улуттук тарыхый археологиялык музей комплексинин башкы директорун дайындоого талапкерлердин документтери кабыл алына турганын билдирди.

Комплекстин жетекчиси кызмат ордуна төмөнкүдөй квалификациялык талаптар коюлган:

Гуманитардык, педагогикалык, экономика жана башкаруу, маданият жана искусство багыттары боюнча жогорку кесиптик билими, музейлердеги иш тажрыйбасы 5 жылдан кем эмес же маданият жана искусство чөйрөсүндөгү жетекчилик кызмат орундарында иш тажрыйбасы 3 жылдан кем эмес болушу шарт. Илимий даражасынын болушу артыкчылык катары эсептелет.

Сынакка катышуу үчүн төмөнкү документтер керек:

-«Сулайман-Тоо» улуттук тарыхый археологиялык музей комплексин өнүктүрүү программасы;

-резюме (байланыш телефон номерин, электрондук почтаны көрсөтүү менен),

-автобиография (соттуулугу бар же жок экендиги жөнүндө маалыматтарды көрсөтүү менен);

-кадрларды эсепке алуу баракчасы;

-нотариус же акыркы иштеген жери боюнча күбөлөндүрүлгөн негизги жана кошумча билимин (бар болсо) тастыктаган документтердин көчүрмөлөрү;

-нотариус же акыркы иштеген жери боюнча күбөлөндүрүлгөн эмгек китепчесинин көчүрмөсү;

-илимий даражаны жана илимий наамды ыйгаруу жөнүндө документтердин көчүрмөлөрү (бар болсо);

-паспорттун көчүрмөсү.

Бардык документтер Маданият министрлигинине 25-июлга чейин тапшырылышы керек.

Султанбек Абдрахманов 14-июлда «Сулайман-Тоо» музей-комплексинин башкы директору кызматынан бошотулган. Ал «Өзгөн» мамлекеттик тарыхый-маданий музей-коругунун директору болуп дайындалган.