Биз менен байланышыңыз

Жалал-Абад: Тез татымда уулангандардын саны 40ка жетти

Кыска кабар | 1 Июл 2022 | 339 | 0

Жалал-Абадда «Ага-ини» тез татым жайынан уулангандардын саны 40ка жетти. Бул тууралуу шаар мэриясынын маалымат кызматы кабарлады.

Жалал-Абад райондор аралык оорулардын алдын алуу жана санитардык-эпидемиологиялык көзөмөлдөө борборунун жетекчиси Рома Ураимовдун айтымында, учурда 28 бейтап ооруканада, 12си үйүндө дарыланууда.

30-июнда аталган жайда шаурма жеген 22 киши ууланган. Бул окуядан кийин тез татым жайына 7,5 миң сом айып салынып, ишмердүүлүгү токтотулган.

Жалал-Абад шаардык мэриясы учурдагы кырдаалды эске алып, жарандарды тез татымдардан тамактанбай турууга чакырат.

Учурда шаар аймагындагы бардык тез татым жайларынын санитардык абалы текшерилүүдө.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM