Ала-Бел ашуусунда жүк ташуучу унаалардын жүрүшүнө чектөө киргизилди

Бишкек-Ош унаа жолунун Ала-Бел ашуусунда жүк ташуучу унаалардын өтүүсүнө чектөө киргизилди. Бул тууралуу Транспорт жана коммуникациялар министрлиги билдирди.

Чектөө чаралары аба ырайынын начарлашына байланыштуу.

Мекеменин басма сөз кызматы билдиргендей, чектөөлөр «Сосновка» жана «Арал» постторунда бар.

Жолду кардан тазалоо иштери уланууда.