Жапаров: Баткенде аскердик кызмат өтөөнүн бир айы эки айга эсептелет

Баткенде аскердик кызмат өтөөнүн бир айы эки айга эсептелет. Бул тууралуу Министрлер кабинетинин төрагасы Акылбек Жапаров облуста өткөн көчмө жыйында билдирди.

Жапаровдун айтымында, 2021-жылдын май айынан тарта чек арачылардын жана Коргоо министрлигинин аскер кызматкерлеринин айлык акысы 50-70%га көтөрүлдү.

2022-жылдын январь айынан тарта Өзгөчө кырдаалдар министрлигинин жана Жаза аткаруу кызматынын күзөт жана конвой департаментинин аскер кызматкерлеринин кызматтык маяналары 50-70%га көтөрүлдү.

«Баткен облусу — чек ара чатактарынын очогу эмес, патриоттуулукка, эрдикке тарбиялай турган жер. Баткен — биздин саясий, аскердик жана экономикалык эгемендигибиздин жери. Бул — Кыргыз Республикасынын эгемендигин жана бүтүндүгүн камтыган аймак», — деди Жапаров.