Биз менен байланышыңыз

Кыргыз-казак чек ара аймагында абал туруктуу

Кыска кабар | 6 Янв 2022 | 217 | 0

Бүгүн, 6-январь саат 15:00 карата кыргыз-казак мамлекеттик чек ара аймагындагы кырдаал туруктуу. Бул тууралуу Чек ара кызматынын маалымат кызматы билдирди.

Чек ара кызматы 2021-жылдын 30-декабрынан бүгүнкү күнгө чейин күчөтүлгөн тартипте кызматын улантып жатышат.

Кыргыз-казак мамлекеттик чек арасы аркылуу өткөрүү жайлары COVID-19га байланыштуу болгон чектөөлөрдү эске алуу менен жарандарды, транспорт каражаттарын жана жүктөрдү өткөрүүнү штаттык режимде жүргүзүп жатат.

Чек ара кызматы кыргыз-казак мамлекеттик чек ара аймагында 7 авто жол өткөрүү жайлары иштеп жаткандыгын эскертет.

Жүк ташуучу унаалар «Ак-Тилек», «Чалдыбар», «Чоң-Капка» жана «Каркыра» көзөмөл-өткөрмө пунктулары аркылуу, ал эми ичинде жүгү жок автоунаалар Казакстанга «Кең-Булуң» пункту аркылуу өтөт.

Чек ара кызматы кыргыз тарап да, казак тарап да жарандарды, транспорт каражаттарын жана жүктөрдү алып өтүүгө жана алып кирүүгө эч кандай кошумча чектөөлөрдү киргизбегендигин эскертет.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM