Биз менен байланышыңыз

Азия өнүктүрүү банкы билим берүү тармагына 8 млн доллар жардам берет

Кыска кабар | 14 Дек 2021 | 543 | 0

Азия өнүктүрүү банкы (АӨБ) кесиптик техникалык билим берүү системасындагы саясий чараларды аткаруунун натыйжалары боюнча Кыргызстанга 8 млн доллар жардам берет. Бул тууралуу Билим берүү жана илим министрлигинин басма сөз кызматынан кабарлашты.

Билим берүү жана илим министрлигинин алдындагы «Секторду өнүктүрүү программасы: Инклюзивдик өсүү көндүмдөрү» долбоорунун алкагында 16 саясий иш аткарылган, атап айтканда:

— кесиптик стандарттарга ылайык компетенттүүлүк негизинде эксперименттик билим берүү программалары бекитилди;

— ишкердикке окутуу боюнча модуль иштелип чыгып, эксперименттик билим берүү программаларына киргизилди;

— жумуш ордунда окутуу концепциясы иштелип чыгып бекитилди жана тандалып алынган колледждерде сыноодон өткөрүлүүдө;

— нормативдик (жан башына) каржылоо формуласы иштелип чыгып, пилоттук колледждерде сыноодон өткөрүлдү;

— ишинин негизги багыттары кесиптик техникалык билим берүү уюмдары үчүн педагогикалык кадрларды даярдоо, кайра даярдоо жана квалификациясын жогорулатуу болуп саналган башталгыч кесиптик билим берүү жана орто кесиптик билим берүү тармагынын окутуучуларын өнүктүрүү программасы иштелип чыгып бекитилди;

— аймактык эмгек рыногундагы суроо-талапты жана сунуштарды талдоо методологиясы бекитилди;

— тармактык иш берүүчүлөр-өнөктөштөр менен пилоттук окуу жайлардын ортосунда өнөктөштүк боюнча макулдашуу түзүлүп, ишке ашырылып жатат.

Андан тышкары 8 пилоттук колледжде окуу имараттарын жана жатаканаларды оңдоп-түзөө жүргүзүлүүдө. Бул колледждер окуу жабдуулары, эмеректер жана компьютердик техника менен камсыздалат.

Copyright © 2017 Maral FM