Евразия өкмөттөр аралык кеңештин жыйынында 15 документке кол коюлду (тизме)

Армениянын Ереван шаарында Евразия өкмөттөр аралык кеңешинин (ЕӨАК) кезектеги жыйыны аяктады. Бул тууралуу Министрлер кабинетинин басма сөз кызматы билдирди.

Кеңешмеге Евразия Экономикалык Биримдигине мүчө-мамлекеттердин, ошондой эле ЕАЭБ караштуу байкоочу өлкөлөр – Өзбекстан жана Кубанын өкмөт башчылары, Евразия Экономикалык Комиссиясынын коллегиясынын төрагасы катышты.

Өкмөттөр аралык кеңештин жыйынтыгы боюнча төмөнкү документтерге кол коюлду:

1. «2021 – 2024-жылдарга Евразия Экономикалык Биримдигине мүчө-мамлекеттердин металлургиялык ишканаларын сырьелук камсыздоо боюнча иш-чаралар планын бекитүү жөнүндө» буйрук;

2. «Евразия Экономикалык Биримдиги алкагында электрондук сооданы өнүктүрүү үчүн жагымдуу шарттарды түзүү боюнча иш-чаралар планы («жол картасы») жөнүндө» чечим;

3. «Евразия Экономикалык Комиссиянын коллегиясынын 2021-жылдын 21-сентябряындагы №129-чечимин жокко чыгаруу жөнүндө» чечим;

4. «Казакстандын аймагында өндүрүлгөн, аларга карата сериялык продукциялардын келип чыгышы жөнүндө сертификатты пайдаланууга жол берилген товарлардын тизимине өзгөртүүлөрдү киргизүү жөнүндө» чечим;

5. «Казакстанда өндүрүлгөн, аларга карата сериялык продукциялардын келип чыгышы жөнүндө сертификатты пайдаланууга жол берилген товарлардын тизимине өзгөртүүлөрдү киргизүү жөнүндө» маселе алкагындагы тапшырма;

6. «Евразия Экономикалык Биримдигинин алкагында алкоголдук рынокту жөнгө салуу жөнүндө Келишим долбоору үстүндө иштин жүрүшү тууралуу» маселе алкагындагы тапшырма;

7. «Евразия Экономикалык Биримдигине мүчө-мамлекеттердин ортосундагы 2020-жылкы өз ара сооданын абалы жөнүндө» буйрук;

8. «2021-2022-жылдарга агроөнөр жай комплексин өнүктүрүүнүн биргелешкен болжолдору, ЕАЭБге мүчө-өлкөлөрдүн айыл чарба продукциясы, азык-түлүк, зыгыр буласы, тери сырьесу, пахта буласы жана жүн боюнча суроо-талаптары жана сунуш баланстары жөнүндө» буйрук;

9. «Евразия Экономикалык Биримдигине мүчө-мамлекеттерди Евразия Экономикалык Биримдигинде өндүрүлүшү 2024-жылга чейин камсыздала турган, медициналык пайдалануу үчүн стратегиялык маанилүү дары-дармектер жана фармацевтикалык субстанциялар менен камсыздоо деңгээлин жогорулатуу боюнча иш-чаралар планын бекитүү жөнүндө» буйрук;

10. «ЕАЭБ алкагында кредиттик таржымалга киргизилген маалыматтарды алмашуу тартиби жөнүндө» келишим;

11. «Евразия Экономикалык Биримдигинин 2020-жылга бюджетинин аткарылышы тууралуу отчет жөнүндө» Жогорку Евразия экономикалык кеңешинин чечим долбоору жөнүндө» чечим,

12. «Евразия Экономикалык Биримдигинин 2022-жылга бюджети жөнүндө» Евразия Экономикалык Кеңешинин чечиминин долбоору жөнүндө» чечим,

13. «Евразия Экономикалык Биримдигинин жана Евразия Экономикалык Комиссиясынын сотунун каржылык-чарбалык ишмердигине текшерүү жүргүзүү жөнүндө» буйрук;

14. «Жогорку Евразия Экономикалык Кеңешине Евразия Экономикалык Комиссиясынын кеңешинин мүчөсүнүн талапкерлигин көрсөтүү жөнүндө» буйрук,

15. «Евразия Өкмөттөр аралык кеңешинин жыйынын өткөрүү убактысы жана орду жөнүндө» буйрук.