Статс-катчылар иштен бошотулду. Тизме

Министрлер кабинетинин төрагасы Акылбек Жапаров министрликтердин жана мекемелердин статс-катчыларын ээлеген кызматынан бошотуу жөнүндө чечимге кол койду.

Кыргызстанда «Мамлекеттик жарандык кызмат жана муниципалдык кызмат жөнүндө» мыйзам күчүнө кирди. Анын алкагында министрликтердин жана мекемелердин статс-катчы институту жоюлган.

Кыргызстандагы мамлекеттик жана муниципалдык кызмат боюнча ыйгарым укуктуу мамлекеттик органдын, статс-катчылардын ишмердигин талдоонун негизинде «бул институттар өздөрүн актаган эмес» деген тыянак чыгарылган.

Мамлекеттик органдардагы статс-катчылар институтунун жоюулушун  эске алуу менен анын милдеттери мамлекеттик органдардын жана жергиликтүү өз алдынча башкаруу органдарынын жетекчилеринин орун басарларынын бирине жүктөлөт.

Кызматтан алынган статс-катчылардын тизмеси: 

Айбек Акмолдоев — Энергетика жана өнөр жай министрлигинин статс-катчысы;

Нурдин Алишеров — Айыл, суу чарба жана аймактарды өнүктүрүү министрлигинин статс-катчысы;;

Нуржан Баардинова — Тышкы иштер министрлигинин статс-катчысы;

Жылдыз Бопушева — Инвестициялар министрлигинин статс-катчысы;

Самат Борубаев — Министрлер кабинетине караштуу Архитектура, курулуш жана турак жай-коммуналдык чарба мамлекеттик агенттигинин статс-катчысы;

Чынгыз Кененбаев — Министрлер кабинетине караштуу Финансылык чалгындоо мамлекеттик кызматынын статс-катчысы;

Азамат Мамбетов — Өзгөчө кырдаалдар министрлигинин статс-катчысы;

Кутман Мамыров  — Транспорт жана коммуникациялар министрлигинин статс-катчысы;

Исламбек Мойдинов — Министрлер кабинетине караштуу Интеллектуалдык менчик жана инновациялар мамлекеттик кызматынын статс-катчысы;

Абдисамат Сагымбаев  — Санариптик өнүктүрүү министрлигинин статс-катчысы;

Бактыбек Секимов  — Маданият, маалымат, спорт жана жаштар саясаты министрлигинин статс-катчысы;

Калысбек Шадыханов — Билим берүү жана илим министрлигинин статс-катчысы;

Абдухалык Шамшиев — Юстиция министрлигинин статс-катчысы.