Ташиев: Бабанов колунда бар жигит, мамлекетке жардам берди

Бабановдун иши боюнча көп иликтөөлөр жүрдү. УКМК эки айдай текшерди. Бул тууралуу УКМКнын төрагасы Камчыбек Ташиев маалымат жыйында билдирди.

«Жеке анын эч кимге зыян келтирбегени аныкталды. Аны менен сүйлөштүк, 100 млн сом жардам берди. Ал колунда бар, мүмкүнчүлүгү бар жигит. Жардам берсе мамлекетке берип жатат да. Ким жардам берсе, биз кабыл ала беребиз, баш тартпайбыз», — деди Ташиев.

Ошондой эле ал учурда бир катар чиновниктер жана мамлекеттик кызматкерлер коррупцияга баруудан чочулап калганын кошумчалады.