Биз менен байланышыңыз

Жапаров: Райондорго 44 орус тилдүү мектеп-интернат курулат

Кыска кабар | 1 Мар 2021 | 1238 | 0

Президент Садыр Жапаров «Кабар» агенттигине берген кезектеги маегинде Орусияга болгон биринчи чет элдик иш сапарынын жыйынтыктары тууралуу айтып, андагы маанилүү маселелердин бири Кыргызстандын ар кайсы районуна 44 орус тилдүү мектеп-интернат куруу тууралуу келишим болгонун билдирген.

Анын айтымында, аталган орус тилдүү мектеп-интернаттарга Орусиядан педагогдор тартылат.

«Москвадагы жолугушууларда талкууланган бардык маселелер маанилүү. Биздин республиканын коопсуздугун коргоо үчүн Орусия бере турган аскердик-коргоо жардамын бөлүп көрсөтсөк болот. Андан кийин өзүңүз билгендей, Кыргызстандын ар кайсы районуна 44 орус тилдүү мектеп-интернат куруу тууралуу жетишилген келишим. Ага Орусиядан педагогдор тартылат» , — деди мамлекет башчысы.

Мындан тышкары «Газпром» линиясы боюнча газга жана күйүүчү-майлоочу майга жаңы тариф саясаты жана Кыргызстан менен Орусиянын ортосунда туруктуу аба каттамдарын калыбына келтирүү маселелери талкуулана баштаганын кошумчалаган.

Copyright © 2017 Maral FM