Маалыматка караганда, Саламаттыкты сактоо министрлигинин эксперттик тобу вакцинанын каттоо досьесинин материалдары менен таанышып чыгып, анын коопсуздугу, сапаты жана натыйжалуулугу тууралуу корутундусун 13-февралда чыгарган.
Казакстан «Спутник V» вакцинасын өз аймагында колдонуу үчүн жактырган дүйнөдөгү 27-өлкө болуп калды. Бүгүнкү күндө бул вакцина Орусиядан тышкары, Беларусия, Аргентина, Сербия, Алжир, Парагвай, Түркмөнстан, Венгрия, БАЭ, Иран жана башка өлкөлөрдө каттоодон өткөн.
Казакстанда калкты «Спутник V» менен жапырт эмдөө иштери бул вакцина өлкөдө каттоодон өтө электе, 1-февралда башталган.
Ушул айдын аягына чейин Караганда фармацевтикалык комплекси тарабынан 90 миң доза «Спутник V» вакцинасын өндүрүлөрү күтүлүүдө.
