Кыргызстандын алты дзюдочусу Израилдеги эл аралык турнирге катышат

Кыргызстандык алты дзюдочу эл аралык Tel Aviv Grand Slam Israel турнирине катышат. Бул тууралуу Жаштар иштери, дене тарбия жана спорт агенттиги кабарлады.

Маалым болгондой, спорттук иш-чара 18-20-февраль күндөрү Израилдин Тель-Авив шаарында өтөт.

Мелдешке төмөнкү дзюдочулар барат:

Кубанычбек Айбек уулу, КРдин спорт чебери, салмак категориясы – 60 килограмм;
Отар Бестаев, КРдин эл аралык даражадагы спорт чебери — 60 килограмм;
Артур Те — 66 килограмм;
Владимир Золоев — 81 килограмм;
Эрлан Шеров — 90 килограмм;
Юрий Краковецкий — 100 килограммдан оор.
Сергей Мистрюков — улук машыктыруучу;
Абдужалил Юнусов — башкы машыктыруучу.

Спорт агенттиги мелдешке катыша турчу дзюдочулар менен машыктыруучулар республикалык жана эл аралык мелдештердин календарлык планына ылайык жөнөтүлгөнүн белгиледи.