Бешимов: Пандемиянын пайдасы да болду

Тышкы иштер министринин мурунку орун басары Аскар Бешимов «Марал» радиосуна берген маегинде пандемиянын пайдасы да болгонун билдирди.

Анын айтымында, пандемия саламаттыкты сактоо тармагынын гана эмес, мамлекеттик башкаруунун да күңгөй-тескейин көрсөтүп койду.

«Кайсы өлкө элин ойлоп жатат, пандемияга туруштук бере алабы, албайбы, ачык көрсөттү. Кыргызстанда бардык нерсе урап түштү. Алакан жайып отуруп калдык. Ал эми коронавируска каршы вакцина да — эки тараптуу маселе. Бир жактан, вакцина чыгаруу саясатка айланып кетти. Экинчиден, коронавирустун жаңы түрү чыкты, бул — абдан коркунучтуу. Коомчулук карантинде отуруп корккондон тажады. Бирок экинчи толкун келе жатат», — дейт Бешимов.

Ал коронавирус узакка созуларын кошумачалады.