УКМК: Уюшкан кылмыштуу топтун мүчөсү баңгизат менен кармалды

Уюшкан кылмыштуу топтун активдүү мүчөсү, 1989-жылы туулган С.Б аттуу жаран баңгизат менен кармалды. Бул тууралуу Улуттук коопсуздук боюнча мамлекеттик комитетинин маалымат кызматы билдирди.

Териштирүү учурунда анын криминалдык чөйрөдө «Дженго» каймана аты менен таанылган К.Досоновдун жакын адамдарынын бири экендиги аныкталды.

Анын жашаган жерин тинтүү учурунда, баңги зат жыттанган желим баштык табылган. Ош облусунун Ички иштер башкармалыгынын экспертизасынын жыйынтыгында табылган заттын героин экендиги аныкталды.

Кармалган адам УКМКнын Ош шаары жана Ош облусу боюнча СИЗОсуна киргизилди.

Учурда УКМК тарабынан тиешелүү иш-чаралар улантылууда.