Жапаров Сурабалдиеваны вице-премьер-министрликке дайындады

Элвира Сурабалдиева вице-премьер-министр болуп дайындалды. Тийиштүү Жарлыкка президенттин милдетин аткаруучу Садыр Жапаров кол койду.

Бүгүн, 28-октбярда Жогорку Кеңештин депутаттары вице-премьер-министрлик кызматка Элвира Сурабалдиеванын талапкерлигин жактырды. Аны депутаттарга биринчи вице-премьер министр Артем Новиков тааныштырды. Жыйында талапкерге суроо берилген жок.

Бүгүн парламенттин Конституциялык мыйзамдар, мамлекеттик түзүлүш, сот-укуктук маселелер боюнча комитети да Сурабалдиеванын талапкерлигин карап, колдоп берген.

27-октябрда Жогорку Кеңештин депутаты Элвира Сурабалдиева мандатын тапшырган.