Ош облусунда стационарлар толугу менен жабылды

Ош облусунда күндүзгү стационарлар толугу менен жабылды. Бул тууралуу Саламаттык сактоо министрлиги билдирди.

Маалыматка ылайык, күндүзгү стационарларда дарыланып жаткан акыркы 13 бейтап айыгып чыкты.

-Ош олусу боюнча жалпы 6 миң орун даярдалып, анын 2400ү стационардык мекемелерде жайгашкан. Калган 3600 орун 188 имаратта уюштурулган күндүзгү стационарлар болчу. 29-август күнү акыркы 13 бейтап сакайып чыгып, толугу менен жабылды, — деп билдирди Саламатык сактоо министрлиги.

Бүгүнкү күндө вирус жуктуруп алгандардын жалпы саны 43 712ге жетсе, анын 7498и Ош облусунда катталган.