Орусияда коронавирустан акыркы суткада 110 адам каза болду

Орусияда бир сутканын ичинде коронавирустун кесепетинен 110 адам көз жумду. Алардын эң көбү Санкт-Петербург (15 адам) менен Москвада (11 адам) катталган.

Муну менен Орусиянын аймагында жалпы 16 099 адам коронавирустан улам каза болду.

Пандемия башталгандан бери Орусияда 942 миң 106 адамга коронавирус жугуп, алардын ичинен 755 миң 513 адам айыкты.